Sokol Haliti me disponim e nis javën: Bashkë, me vullnet e me punë të përditshme, po ndërtojmë fitoren tonë të radhës

Viti – Kafja e mëngjesit me shtabin zgjedhor të Forumit të Gruas së LDK-së. Energjia, përkushtimi dhe organizimi i tyre janë shembull i qartë se LDK-ja ka forcën dhe vizionin për të ecur përpara ka shkruar Sokol Haliti, i cili gjithashtu ka pasur një takim edhe me banorët e Ramnishtës ku është pritur ngrohtësisht.

Postimi i plotë:

Sot pata kënaqësinë të bashkëbisedoj me zonjat e angazhuara e të përkushtuara të Forumit të Gruas. Energjia, përkushtimi dhe organizimi i tyre janë shembull i qartë se LDK-ja ka forcën dhe vizionin për të ecur përpara.

Bashkë, me vullnet e me punë të përditshme, po ndërtojmë fitoren tonë të radhës.

Ndërkaq Sokol Haliti në kuadër të vizitave në teren mbrëmë ka vazhduar në Ramnishtë, ku është mirëpritur me shumë ngrohtësi nga bashkëqytetarët atje.

“Së bashku me kandidatin tonë, Faruk Shabani, shpalosëm të arriturat e deritanishme dhe ndamë me qytetarët planet tona për të ardhmen e këtij bastioni të fuqishëm tonin. Mbështetja dhe besimi i treguar sot janë forca jonë më e madhe për fitoret që na presin” ka shkruar Haliti./rajonipress/