Sokol Haliti ka realizuar numrin më të madh të premtimeve, Gjilani është larg

Gjilan – Sokol Haliti kryetar i Vitisë është radhitur në raportin e Institutit GAP si njëri ndër kryetarët më të mirë që ka realizuar shumicën e premtimeve, kurse Gjilani nga 31 premtime ka realizuar vetëm 8 prej tyre.

Sokol Haliti duke u marrë me problemet jetike dhe duke mos pasur kohë të bredhë poshtë e lartë nëpër zyrat e LDK-së dhe tani edhe të Qeverisë, po del si kryetari më i suksesshëm në Kosovë, pasiqë sipas raportit të GAP-it, ka arritur të realizojë shumicën e premtimeve.

Ajo çka është me rëndësi Sokol Haliti gëzon edhe një mbështetje të madhe tek qytetarët meqë vazhdimisht është në teren.

Por kështu nuk po ndodhë me Lutfi Hazirin i cili për shkak të pozitës që ka si nënkryetar i LDK-së, ka shumë pak kohë të merret me problemet e qytetarëve.

Sipas Institutit GAP nga 31 premtime të Lutfi Hazirit, prej tyre 8 janë të përfunduara, 5 gjysmë të përfunduara, 11 të filluara dhe 7 nuk kanë filluar fare.

Instituti GAP ndryshe këtë monitorim e ka bërë në fushat e arsimit, bujqësisë, ekonomisë, infrastrukturës, kulturës, shëndetësisë, sociale dhe urbanizëm.

Janë dy çështje që bien në sy kur është në pyetje Gjilani. Përfundimi i ndërtimit të kolektorëve për ujërat e zeza (më shumë). Në raport thuhet se Komuna ka përfituar donacion dhe ka nisur disa investime në ketë drejtim. Kolektorët do të trajtohen me projektin e impiantit dhe zbatimi pritet te filloj në vitin 2020.

Si dhe lokacion i ri për varrezat e qytetit dhe ndërtimi i infrastrukturës përcjellëse (më shumë). Edhe këtu është thënë se është caktuar lokacioni për varrezat e qytetit në lagjen “Zabeli”, në hapësirë prej 10 hektarëve. Komuna ka nisur disa investime në ketë hapësirë, por pas kësaj ka dalë që një pjesë e asaj hapësire është pronë private dhe disa nga banorët e atij lokaliteti kanë ngritur padi ndaj komunës. Kjo ka bërë që punët në rregullimin e lokacionit të varrezave të ndërpriten.

Pavarësisht raportit dhe pavarësisht rekomandimeve për qytetarët e Gjilanit vazhdon të mbetet si top prioritet furnizimi me ujë të pijshëm.

Derisa Lutfi Haziri po kërkonte largimin e taksës këtë të diele, shumë qytetar kanë komentuar duke kërkuar nga Haziri ujë, ujë, ujë, e jo përralla./rajonipress/