Sokol Haliti e Xhevat Bajrami mbështesin aktivitetet rinore

Viti – Drejtoria për Kulturë, Rini dhe Sport, në bashkëpunim me departamentin për Rini, në kuadër të MKRS-së dhe të Muzeut të Kosovës, kanë shënuar sot në Viti, me aktivitete të shumta ditët e rinisë. Në kuadër të këtyre aktiviteteve ndër tjerash u organizuan edhe: Trajnimi praktik i gjurmimeve të improvizuara arkeologjike nga vetë të rinjtë pjesëmarrës, konservimi, restaurimi dhe inventarizimi i tyre.

Po ashtu para të rinjve janë prezantuar edhe vlerat kulturore, sociale përmes pikturës dhe vizatimit. Ndër tjerash është shpërndarë edhe libri “Udhëtimi në Kohë” i botuar nga Muzeu i Kosovës e që është pjesë e programit edukativo-arsimor.

Drejtoresha për Kulturë, Rini dhe Sport, Kaltrina Sylejmani, duke ju uruar të gjithë të rinjve, ditët e rinisë ndër tjerash tha se këto aktivitete janë të mirëseardhura në Komunën e Vitisë. “Padyshim se këto aktivitete janë shumë të mirëseardhura në Komunën tonë, sepse ato përveç që shërbejnë për sensibilizimin e rinisë për trashëgimin kulturore, për të cilën ne kemi potencial të jashtëzakonshëm në komunën tonë, sigurisht që i shërbejnë edhe socializmit në mes të rinisë sonë “ u shpreh Sylejmani.

Ndërsa Xhevat Bajrami nga Departamenti për Rini, në kuadër të MKRS-së i cili shoqërohej edhe nga Bujar Haziri tha se duke u bazuar në Strategjinë dhe Planin e Veprimit për Rini, organizohen këto aktivitete. “Ne me këto aktivitete synojmë që të përmbushim objektivat tona strategjike duke implementuar aktivitete të ndryshme në të gjitha komuna e Republikës së Kosovës” u shpreh Bajrami.

Ai ndër tjerash falënderoj Kryetarin e Komunës së Vitisë, Sokol Haliti për prezencën e tij, duke thënë se kjo tregon se ai me të vërtetë është i përkushtuar të zgjedhë problemet rinore, që sipas Bajramit nuk janë të paketa duke potencuar se problemi kryesore është papunësia e të rinjve.

Ndërsa në emër të Muzeut të Kosovës, ka folur Fatmir Hoxha i cili tha se edhe Muzeu i Kosovës është pjesë e organizimit të agjendave për shënimin e ditëve të rinisë nëpër komunat e Kosovës, duke potencuar se 90% përmbajtës së këtyre aktiviteteve kanë përmbajtje edukative dhe kulturore që sipas tij do të ndikojnë në ruajtjen e trashëgimisë kulturore të Kosovës.

Gjatë këtyre fjalimeve u dhanë lëvdata edhe për Emrush Azemin, nga Sektori për Rini në Viti, për punën e tij në organizimin e shënimit të këtyre aktiviteteve në këtë komunë.

Në kuadër të këtyre aktiviteteve ndër tjerash u organizuan edhe: Trajnimi praktik i gjurmimeve të improvizuara arkeologjike nga vetë të rinjtë pjesëmarrës, konservimi, restaurimi dhe inventarizimi i tyre. Po ashtu para të rinjve janë prezantuar edhe vlerat kulturore , sociale përmes pikturës dhe vizatimit.

Ndër tjerash është shpërndarë edhe libri “Udhëtimi në Kohë” i botuar nga Muzeu i Kosovës e që është pjesë e programit edukativo-arsimor./rajonipress/