Sokol Dobruna: Pas luftës, shqiptarët bënë veprime mllefi

Gjyqtari i Gjykatës së UÇK-së, Sokol Dobruna, në një deklaratë për RTV Dukagjinin ka thënë se si rezultat i dhunës dhe veprimeve makabre të serbëve në Kosovë, edhe shqiptarët kanë bërë veprime mllefi duke u prekur nga veprimet e serbëve.

Dobruna ka thënë se Gjykata Speciale është tërësisht politike dhe se nuk ka kurrfarë logjike juridike për krijim të kësaj gjykatë. Madje, për këtë ai “ia sheh për të madhe” edhe presidentes Atifete Jahjaga.

Ai më tej shton se për dallim nga UÇK-ja që ka pasë gjykatë, lufta e Francës për çlirim nga Gjermania ka vrarë kolaboracionistë pa i gjykuar fare.

Ai bën thirrje tek institucionet kosovare që të njihen vendimet e Gjykatës së UÇK-së për të shërbyer si precedent edhe për Gjykatën Speciale, ngase bëhet fjalë për luftë çlirimtare. /RTV Dukagjini/