Sokol Cikalleshi largohet nga Konyaspor, vazhdon karrierën në Arabi

Sokol Cikalleshi është larguar nga Konyaspor pas dy viteve qëndrim tek ky klub.

Sulmuesi i kombëtares ka vendosur të provojë një aventurë në Arabinë Saudite aty ku do të vijojë karrierën tek klubi i Al Khaleej.

Në fakt, Cikalleshi mbetet në pronësinë e klubit turk, Konyaspor, mirëpo do të kalojë në klubin arab vetëm me anë të formulës së huazimit e cila do të ketë një kohëzgjatje prej një viti.

Në sezonin e kaluar, Khaleej u shpall kampion në Arabi dhe me Cikalleshin kërkon të shtojë edhe më shumë forcën në repartin ofensivë.

Në sezonin e kaluar, sulmuesi i kuqezinjve ia doli të shënonte 10 gola si dhe dy asistime me fanellën e Konyasporit.

Cikalleshi ka kontratë me Konyan deri në verën e vitit 2024, derisa huazimi i tij te klubi arab do të jetë i thjeshtë pa formulë blerje përfundimtare. /Telegrafi/