Snezhana Stankoviq akuzohet për vjedhjen e kishës në Drenoc të Ranillugut

Gjilan – Prokuroria Themelore në Gjilan departamenti për krime të rënda ka ngritur aktakuzë kundër Snezhana Stankoviqit nga Kormijani i Ranillugut nën dyshimin e bazuar se ka vjedhur kishën në fshatin Drenovc të Epërm të Ranillugut. Aktualisht Stankoviq ndodhet në arrest shtëpiak.

Prokuroria Themelore në Gjilan edhe zyrtarisht e ka ngritur aktakuzën kundër Snezhana Stankoviqit, nënë e dy fëmijëve me vendbanim në Kormijan të Komunës së Ranillugut raporton rajonipress.

Në aktakuzën e ngritur nga prokurori Arben Kadriu thuhet se Snezhana Stankoviq dyshohet për veprën penale “vjedhje e rëndë” sepse më 9 maj 2013 në fshatin Drenovc i Epërm i Ranillugut me qëllim të përvetësimit të kundërligjshëm pasuror, kam kryer vjedhjen në dëm të ndërtesës fetare- kishës së fshatit , ashtuqë e njëjta ka hyrë në kishë, dhe nëpër ikona ka mbledhur të hollat të cilat i kanë lënë vizitorët e kishës në shumën prej 300 dinarësh dhe nga muri i kishës me forcë e nxjerrë kasën e metaltë ku edhe dëmtohen muret e kishës”.

Në aktakuzë janë përshkruar edhe detaje tjera të veprimit të të pandehurës dhe janë propozuar dëshmitarë.

Ndërkaq varianti që ka dhënë në hetuesi Stankoviq është shumë interesantë.”Unë kam shkruar ditën kritike në kishë për t`i marrë të hollat. Dera e kishës ka qenë e hapur dhe nuk është hera e parë që aty kam marrë të holla. Kam hyrë brenda dhe kam marr 300 dinarë në vlerë të 3 eurove, me të cilat e kam blerë një pako cigare. Pendohem për veprimin e kryer” ka deklaruar Stankoviq.

Ndryshe në hetuesi kanë dhënë deklaratë edhe dëshmitarët Stojadin Stankoviq dhe Cvete Dejanoviq të cilët kanë thënë se Snezhana Stankoviq nuk është hera e parë që ka vjedhur në kishë, meqë ajo vjedhë edhe nëpër shtëpi private.

Ndryshe gjykimi ndaj Stankoviqit pritet të fillojë shumë shpejt. Ky rast është zbuluar shumë shpejt nga policia hetuese, meqë në disa raste për plaçkitjet e kishave serbe janë akuzuar blanko shqiptarët./rajonipress/