“Snajperisti” i kadetëve të hendbollit të Kosovës

Gjilan – Qyteti i Gjilanit gjithmonë në radhët e saja ka pasur sportist kulminant, e në veçanti hendbolli i qytetit të Gjilanit me vite të tëra ishte njëra ndër skuadrat më të mira në hendbollin e Kosovës duke dhënë hendbollist të kalibrit të lartë.

Rrugës së këtyre hendbollistëve me nam të hendbollit Gjilanas, me hapa të sigurt është duke shkuar edhe talenti i madhe dhe ardhmëria e hendbollit të Kosovës, Yll Sllamniku.

Edhe pse i ri për nga mosha është bërë “ujk” për portat kundërshtare, është bërë një hendbollist i cili shumë shpejt do t`i prek majet e hendbollit.

16-të vjeqari, Sllamniku, i cili është pjesë e kadetëve të KH Drita, në këtë stinor ka shkëlqyer nga 17 ndeshje të zhvilluara ka shënuar hiq më pak se 149 gola duke u bërë golashënuesi më i mirë në Kosovë në kategorinë e Kadetëve.
“Lojën e hendbollit e dua shumë, krahas mësimeve ky sport më qetëson dhe e ndiej vetën tepër mirë, unë asnjëherë nuk kam pasur pretendim të jem golashënuesi i parë por ja që së bashku me bashkëlojtarët e mijë ia kemi arritur qëllimin dhe për këtë jam shumë i lumtur dhe gjithë këtë arritje ia dedikoj së pari familjes sime dhe bashkëlojtarëve të cilët jemi si një familje e madhe”, shprehet me modesti Sllamniku.

Yll Sllamniku i cili luan në pozitën e mbrojtësit të majtë e kohë pas kohe edhe në qendër si organizator i “bardh e kaltërve” të Dritës, të lenë një përshtypje të një hendbollisti me përvojë të madhe, ai këtë e shfrytëzon me mjaft mençuri pasi që gjatësia e tij 1.85 cm bën që gjuajtjet e tija të jenë tejet precize.

Talenti Sllamniku edhe në vitin e kaluar në kategorinë e Pionierëve ishte i pa konkurrencë në hendbollin e Kosovës, po ashtu ishte golashënuesi më i mirë.

Me të gjitha këto të arritura edhe pse 16 vjeçar vetëm njëherë ishte në një kamp hendbollistik me Përfaqësuesen e Kosovës, çka është për tu befasuar.
“Shpresoj dhe do të isha shumë krenar që më në fund ta veshi fanellën e Kosovës, ndërsa si në klubin e Dritës njëashtu edhe në Përfaqësuesen e Kosovës janë disa talent të mëdhenj çka shpresoj dhe jam i bindur se ne do të jemi ardhmëria e hendbollit të Dritës e Kosovës”, porosit Sllamniku.

Talentët dhe sportistët e mëdhenj gjithmonë duhet përkrahur, pasi ata përpos që përfaqësojnë qytetin e klubin e tyre ata prezantojnë edhe shtetin e tyre në arenën ndërkombëtare andaj duhet përkrahur këta sportist se janë ardhmëri e shtetit të Kosovës./sylejman ismajli/rajonipress/