Poezi nga Avdush Canaj
Sime bijë, Kaltërinës
S`më lan të të prek
Atë dorë të vogël
Si të hënëzës,
S`më lan, çupëlinë
Nga shupëlakëza yte
Me rreze
Ma fale përqafimin
Plot mallëngjim
Dhe çuçurite atë ditë
Si pëllumbi i paqës, pa frikë
Jam mësuar të shkruaj, baba
Fjalët më të bukura
LIRI dhe REPEBLIKË
LIRI dhe REPUBLIKË
Nga larg t`i putha sytë
Me atë këmishë të rrushit
Trimëresha vogëlake e babushit
Polici me armë u nxi
Foli si ujqëria n`parlament
Çudi! Edhe fëmija irrident
Burgu i Foçës, 1985
