S’më deshi për dashnor sepse isha leshkuq

Me humorin që e karakterizon edhe sot, jetoi çdo moment në adoleshencën e tij.Madje edhe momentet më të vështira në shkollë, Cima i kthente në shaka. Jetoi shumëçka përgjatë viteve adoleshente, por ishte dashuria të cilën nuk e provoi kurrë e kjo siç thotë humoristi për shkak se vajzat s’ia pëlqenin ngjyrën e flokëve…

Tribuna: Në cilin vit e keni përfunduar shkollën e mesme?

Cima: Shkollën e mesme e kam përfunduar në vitet 1971-72. Kam qenë në shkollën e mesme Teknike, drejtimi i Ndërtimtarisë. Isha nxënës i kësaj shkolle, sepse ishte dëshira e babait tim që unë të shkollohesha aty, por jo e imja. E kishte të fiksuar në kokë këtë ide që unë mund të bëhem një inxhinier, kurse unë me matematikë isha zero (Tribuna).