Sllovenia kërkon nga këto shtete ta njohin Kosovën

Presidenti slloven, Borut Pahor, ka mbështetur përfshirjen e Kosovës në organizatat dhe integrimin ndërkombëtar dhe ka thënë se Kosova duhet të pranohet nga të gjitha vendet, veçanërisht ato fqinje, siç tha ai.

“Edhe sot ne mbështesim dëshirën që Kosova të njihet nga të gjitha vendet në mënyrë diplomatike, sidomos nga fqinjët, dhe që të përfshihet në të gjitha organizatat ndërkombëtare”, tha Pahor në hapjen e konferencës së djeshme të përbashkët të Sllovenisë dhe Kosovës në Lubjanë, raporton “24sata”.

Presidenti slloven mendon se si rrjedhojë, Kosova do të ketë mundësi të zhvillimit politik, ekonomik dhe zhvillim të përgjithshëm social.

Sipas agjencisë kroate të lajmeve “Hina”, marrëdhëniet në rajon, si dhe marrëdhëniet Slloveni-Kosovë, sipas vlerësimeve të të dyja palëve, janë pa çështje të hapura, dhe ishin në qendër të bisedimeve të presidentit Thaçi me zyrtarët sllovenë – presidentin Pahor dhe kryeministrin Miro Cerar. /express/