Sllovakia përkrah heqjen e vizave për Kosovën

Ambasadorja e Mbretërisë së Holandës në Prishtinë, Geri Willems, ka thënë se Kosova nuk është e vetme në rrugën drejt Bashkimit Evropian, pasi, sipas saj, shtetet e BE-së do ta ndihmojnë Kosovën në proceset integruese.

Sllovakia do ta mbështesë Kosovën në proceset integruese, me theks të veçantë në zbatimin e Marrëveshjes së Stabilizim-Asociimit (MSA) dhe për liberalizimin e vizave gjatë gjashtëmujorit të ardhshëm, sa ky shtet do ta kryesojë Këshillin e Bashkimit Evropian.

Kështu është thënë në tryezën e organizuar nga Ambasada e Holandës në bashkëpunim me Grupin për Studime Juridike dhe Politike dhe me Institutin e Prishtinës për Studime Politike, ku u diskutua rreth prioriteteve të Presidencës holandeze në Këshillin e BE-së për vitin 2016 dhe Presidencën e radhës së Sllovakisë.

Ambasadorja e Mbretërisë së Holandës në Prishtinë, Geri Willems, ka thënë se Kosova nuk është e vetme në rrugën drejt Bashkimit Evropian, pasi, sipas saj, shtetet e BE-së do ta ndihmojnë Kosovën në proceset integruese.

“Kosova ka filluar zbatimin e MSA-së, e cila është në fakt marrëdhënia e parë kontraktuale zyrtare në dialogun politik mes Kosovës dhe BE-së. Askush nuk ju ka premtuar një kopsht me trëndafila, do të jetë vështirë në një afat të gjatë, por edhe në afat të shkurtër mund të jetë pozitiv për sa i përket zbatimit. Kosova nuk është vetëm në këtë rrugë, BE-ja në tërësi, por edhe shtetet individuale, do ta ndihmojnë Kosovën”, ka deklaruar Willems./zeri/