“Skifterat” e “Intelektualët” do ta pushtojnë Mitrovicën

Gjilan – Fati i dy skuadrave të futbollit KF Gjilani dhe Dritës do të vendoset në dy takimet e barazhit të cilat i zhvillojnë nesër në stadiumin “Riza Lushta” në Mitrovicë. Gjilani do të takohet me Vëllaznimin e Gjakovës, ndërsa Drita me Flamurtarin e Prishtinës.Emocionet të cilat i kanë kapluar këto dy skuadra është bartë me të madhe tek tifoklubet e këtyre skuadrave të “Skifterave” dhe “Intelektualëve” të cilët në mënyrë masovike nesër do të mësyen shkallët e stadiumit “Riza Lushta” në Mitrovicë.

Dashamirët e futbollit të qytetit të Gjilanit dikur krenoheshin me këto dy klube si për organizimin njëashtu edhe për trofet të cilat i arrinin këto dy skuadra, KF Drita ishte edhe Kampione e Kosovës në stinorin 2002-2003 dhe fituese e Kupës së Kosovës në vitin 2001. Ndërsa KF Gjilani ishte fituese e Kupës së Kosovës në vitin 2000 dhe fituese e Superkupës së Kosovës po në këtë vit.

Me të drejtë pas luftës së fundit në Kosovë qyteti i Gjilanit konsiderohej si “Brazili” I Kosovës si për nga lojërat të cilat zhvilloheshin në fushë njëashtu edhe për nga shikueshmëria.

Takimi në mes këtyre dy skuadrave konsiderohej me atë të Argentinës, Boca Juniors e River Plate ku tubonte mbi 15000 shikues i tërë qyteti me javë të tëra jetonte me këtë derbi të “Anamoravës”.

Sot futbolli në këto dy skuadra ka rënë në mënyrë drastike dhe me pozitat që i kanë është një dëshpërim shumë i madh për të gjithë dashamirët e futbollit.

Besnikëria e tifozëve ndaj këtyre dy klubeve ka bërë që në këto momente të vështira të jetë futbollisti i 12 në skuadrat e tyre.

Tani e 5 ditë si “Skifterat” e Gjilanit njëashtu edhe “Intelektualët” e Dritës kanë bërë çmos me gjithë vështirësitë që përballen nesër të anojnë për klubet e tyre të zemrës në mënyrën më sportive dhe fair-play.

Dy protagonistët e tifoklubeve Cami i “Skifterave” dhe Taulant Byqmeti i Dritës kanë përfunduar të gjitha përgatitjet për shkuarjen në Mitrovicë.

“Jemi pergatitur maksimalisht, nuk kemi lënë asgjë të rastit nesër Mitrovica do të ushton në përkrahjen e djelmoshave tanë konsiderojmë se do të jemi rreth 1mijë shikues do të anojm ja sot ja kurrë po luajnë djelmoshat tanë dhe ne i urojmë shumë suksese le ta japin ma të mirën e tyre e në fund le të triumfon më i miri”, thotë për “rajonipress” Cami i “Skifterave”.

Se sa është e rëndësishme prezenca dhe përkrahja në këto momente për djelmoshat e Dritës, lideri i “Intelektualëve” Taulant Byqmeti tregon, “Nuk ka asgjë që na pengon drejt Mitrovicës jemi të organizuar mjaftë mirë edhe pse kemi pasur shumë vështirësi ata të cilët e duan skuadrën e tyre të zemrës Dritën na kanë dalë në ndihmë në këto momente vendimtare dhe i falënderoj të gjithë ata që e quajnë vetën “Intelektual” nuk duam asgjë përpos fitores do të jemi një numër shumë i madh rreth 1000 shikues, do të jetë atmosferë të cilët vetëm “Intelektualët” dinë dhe mund ta bëjnë”.

Takimi i parë zhvillohet Gjilani- Vëllaznimi nga ora 13:30 ndërsa Drita – Flamurtari në ora 16:30./rajonipress/