Skifterat do të “pushtojnë” Therandën të mërkurën

Gjilan – “Bardh e kuqët” e Gjilanit, stinorin pranveror pas përgatitjeve dimërore të mundimshme e hapin në ballafaqim për DigitAlb Kupën e Kosovës, e vlefshme për rrethin e pestë (Çerekfinale) në qytetin e Therandës, duke u ballafaquar me Ballkanin anëtar i Ligës së Parë të futbollit Kosovar.

Siç dihet skuadra e Ballkanit gjatë afatit kalimtar është përforcuar me futbollist mjaft cilësor dhe aspiratat e Ballkanit janë të dalin me rezultat pozitiv ndaj skuadrës së Gjilanit.

Ashtu si gjithmonë edhe kësaj radhe “Skifterat” do të jenë arma më e fuqishme e skuadrës së tyre të zemrës, të cilët në mënyrë të organizuar do të “pushtojnë” qytetin e Therandës.

“Skifterat” përpos fitores tjetër rezultat tjetër as që e njohin.
“Të mërkurën së paku gjerë më tani do të udhëtojnë tre autobusë dhe shumë vetura private. Për ne gara e Kupës së Kosovës është e një rëndësie të veçantë ndërsa skuadrën e zemrës do ta mbështesim me tërë kapacitetin tonë. Edhe pse skuadra jonë shihet si favorit ne do të luajmë lojën tonë ndërsa rrugëtimi ynë është finalja e Kupës së Kosovës”, ka bërë të ditur, Shkëlqim Limani sekretar organizativ i Skifterav./rajonipress/