Skënderbeu sot kundër Young Boysin, formacioni i mundshëm

Skënderbeu do t’i japë fund aventurës evropiane, me sfidën e mbrëmjes së sotme në Bernë, ku do të përballet me Young Boysin.

Korçarët janë tashmë të eliminuar nga Liga e Evropës, por takimi i sotëm vlen për të arkëtuar shuma të konsiderueshme në akrat e klubit, për të reklamuar talentet e ekipit, si dhe për të rritur koeficientin, që do ta ndihmonte në shortin e vitit të ardhshëm.

Pikërisht për këto arsye, presidenti korçar, Ardian Takaj ka akorduar sërish një premi në rast fitoreje në Zvicër, çka pritet të motivojë lojtarët e Skënderbeut. Nga ana tjetër, Young Boysi është i eliminuar ashtu si korçarët, ndërsa tani ka si synim luftën për titullin kampion të Zvicrës.

Sa i përket ekipit, trajneri Daja është në një emergjencë totale në repartin e sulmit, pasi i mungojnë të tre qendërsulmuesit, Soëe dhe Nespor të dëmtuar, ndërsa James nuk arriti të pajiset me vizë.

Ende nuk dihet se si do ta zgjidhë këtë situatë tekniku i Skënderbeut, por dihet me siguri se në fushë do të jenë të gjithë lojtarët e rinj, që janë paraqitur mirë në takimet e fundit dhe që do të reklamohen në praninë e shumë agjentëve të futbollit, që do të mbushin shkallët e stadiumit të kryeqytetit zviceran.

Takimi Young Boys-Skënderbeu do të startojë në orën 19:00.

Formacioni i mundshëm: Shehi, Vangjeli, Jashanica, Aliti, Mici, Osmani, Taku, Lilaj, Gavazaj, Sahiti, Nimaga. /SS/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).