Skënderbeu e populli

Poezi nga Tefik Selimi

Çka ka kali që po hingëllon
e nuk rrin i qetë?
– Po tregon kah po shkon
malit përpjetë.
Malet shumë buçitën,
a thua për kend, o vëlla?
– Skënderbeun me gëzim e pritën
kurrë ma mos m’u nda.
Asht nji za jo i ultë,
athua çka thret pa u nda?
– Skënderbeu me sy ngultë
thrret popullin papra.
Çka bani kur erdhi Skënderbeu,
çka i shtini të dalin n’mal?
– Shumë i dashun qe atdheu
për pollin shqiptar.
Shpejt e shpejt çka qeshi
mbi Krujën kreshnike?
– U tubua populli si deti
për luftën strategjike.

Tefik Selimi
(“Flaka e vëllazërimit”në Shkup, më 18 korrik 1968)