Skender Hoxha, 5 dekada me futboll pajiset me Licencën B

Ish-futbollisti gjilanas Skender Hoxha, një jetë i’a kushtoi futbollit që nga mosha 14 vjeçare e gjerë në pensionim ai asnjëherë nuk ju nda lojës së futbollit.

Gjatë karrierës së tij për 50 vite rresht në asnjë moment nuk u kursye për të mirën e futbollit gjilanas duke qenë një shembull i rrallë në qytetin e Gjilanit.

“Ishin kohëra të lumtura të rinisë, si 14 vjeçar u dashurova në lojën e futbollit, kishim shumë shokë të talentuar, rininë tonë i’a kushtuam futbollit dhe për këtë jam shumë krenar dhe i lumtur”, thekson Skender Hoxha.

Ish-futbollisti Hoxha karrierën futbollistike e filloi në vitin 1970 në të gjitha kategoritë e reja të futbollit të asaj kohe në C.Zvezda të Gjilanit, duke dhënë kontribut të jashtëzakonshëm për këtë skuadër të asaj kohe. Hoxha karrierën më pastaj e zhvillon edhe në Dritë ndërsa karrierën aktive të futbollistit e përfundon në vitin 1986.

“Si futbollist aktiv kanë qenë kohërat më të mira të jetës sime, ishim një gjeneratë me plot futbollist cilësor të cilët i falënderoj për bashkëpunimin që kemi pasur gjatë karrierës, ishim një shoqëri të cilën edhe sot e kultivojmë duke evokuar momentet e mira e të këqija gjatë karrierës sonë futbollistike”, bën të ditur Hoxha.

Skender Hoxha në asnjë moment nuk pushoj nga futbollit, ai menjëherë e ushtroi zejen e trajnerit me shumë sukses duke e kryer shkollën e lartë për trajner, ndërsa si trajner punoi në Shkollën e futbollit tek FC Drita dhe me Junior.Poashtu një kohë ishte trajner i Juniorëve tek SC Gjilani në Vllazni të Pozheranit e në Bashkim të Koretinit.

Hoxha i cili një jetë ja kushtoi futbollit me mjaft sukses e kreu edhe ndarjen e drejtësisë në futbollin e Kosovës, duke vazhduar karrierën si kontrollor i ndeshjeve.
Është për çdo lëvdatë puna e tij profesionale e cila ishte vlerësuar nga shumë klube të Kosovës e në veçanti atyre të Anamoravës, i cili për plot 33 vite ishte kryetar i gjyqtarëve të Anamoravës.

Hoxha e kishte kryer Licencën B të trajnerit në vitin 2015, por në atë kohe FFK nuk ishte e pranuar në FIFA e UEFA, kurse tani për të plotësuar bagazhin e tij të futbollit me mjaft sukses këto ditë Hoxha u pajisë me LIcencën B të trajnerit të futbollit.

“Jam i lumtur që edhe kjo sfidë e kësaj Licence u përfundua duke e njohur FIFA e UEFA, nuk do të ndalem në asnjë moment për të kontribuar për gjeneratat e reja pasiqë kjo botë do t’ju mbes të rinjëve duke ju uruar prosperitet në avancimin e futbollit drejt sukseseve evropiane e botërore”, thekson Hoxha.

Skender Hoxha padyshim do të jetë në mendjen e shumë gjeneratave të futbollit, ndërsa qytetarët e Gjilanit duhen të jenë krenar që në mesin e tyre kanë një njeri i cili plot 5 dekada i dha futbollit jetën e tij./rajonipress/