Skender Bunjaku, trajneri i ri i Bashkimit po korr suksese

Skuadra e Bashkimit nga Koretini, e cila bënë pjesë në Ligën e Dytë të futbollit të Kosovës ka emëruar trajnerin e ri Skender Bunjakun.

Pas dorëheqjes së Emin Bajramit skuadra e Bashkimit, besimin ja ka dhënë ish-futbollistit të mirënjohur gjilanas, Skender Bunjakut, i cili një kohë të gjatë kishte punuar me kategoritë e reja në FC Drita duke arritur rezultate tejet të mira.

Bunjaku i cili në javën 11 e 12-të, ka drejtuar skuadrën e Bashkimit ka startuar me fitore duke mbajtur hapin në kreun e tabelës së klasifikimit.

“Me skuadrën e Bashkimit do të jem njëherë gjerë në fund të kampionatit vjeshtor, e pastaj me kryesinë do të ulemi për të parë nga afër objektivat e skuadrës, deri në fund të kampionatit vjeshtor do të japim më të mirën për të mbetur në pozitat e para në tabelë, megjithatë skuadra e Bashkimit ka nevojë për disa përforcime në disa pozita për ti mbushur synimet të cilat i ka skuadra por shpresoj se me një kryesi ç`fare ka Bashkimi do t’ja arrijmë qëllimin së bashku”, ka bërë të ditur trajneri, Skender Bunjaku.

Pas 12 javëve Bashkimi pozicionohet në pozitën e tretë me 25 pikë, tri më pak se Kika e cila i prinë tabelës./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).