Skenari i vrasjes me pagesë të Valdet Zekajt

Valdet Zekaj do të flinte edhe përtej orës 11:00, të mërkurën e javës së kaluar, po të mos i telefononte vëllai i tij për ta njoftuar se në restorantin e tij po e priste një ekip gazetarësh.

Gjysmë ore kohë i duheshin, sa për t’u kthjellur dhe për ta sjellë i vëllai në restorantin “Camp”, në Parkun e Pejës, shkruan Koha Ditore.

Aty nuk vjen i shoqëruar nga Njësia e Mbrojtjes së Afërt e Policisë së Kosovës, ani se dyshohet se javë më parë ishte përgatitur vrasja e tij, por nga shokët e tij muskulorë.