Skena politike do figura të pastra

Analistët thonë se Kosova ka nevojë për një përvojë të re të shtetndërtimit, me fytyra të pastra politike, që janë në gjendje t’i ndërmarrin reformat e nevojshme për ta dërguar vendin drejt BE-së.

Partitë politike në Kosovë janë shpenzuar, duke mos u hapur për kuadro të reja dhe disa nga to janë tejet të inkriminuara. Disa janë në skenë tash e 25 vjet e disa që nga paslufta, por nuk i kanë përmbushur kërkesat e qytetarëve.

Analistët thonë se është e pashmangshme të hyjë në skenën politike një parti e re, e cila do të formohej tash për t’u përgatitur për zgjedhjet e reja. Brenda asaj partie duhet të jenë figura të pastra dhe të pakriminalizuara, në mënyrë që të vijnë më lehtë në pushtet për të mirën e qytetarëve./Kosova Sot/