Skandaloze – FHK bën gabim trashanik me hendbollistin e Dritës, Rinor Selmanin

Federata Hendbollistike e Kosovës, në ceremoninë e vitit e cila është mbajtur sot në kryeqytet për ndarjen e Lauretve më të mirë të stinorit 2017/18, ka bërë shkelje flagrante duke shpallur golashënuesin më të mirë hendbollistin nga KH Kastrioti, Denis Terziqin.

KH Drita është mjaft e indinjuar me këtë skandal të krerëve të FHK-së, pasiqë hendbollisti i saj, Rinor Selmani, gjatë këtij kampionati ka shënuar plot 247 gola, do të thotë 56 gola më tepër se Terziqi.
Është për tu befasuar se në pozitën e dytë është hendbollisti i KH Vëllaznimi, Leka, i cili ka shënuar 221 gola në pozitë të tretë është Abazi i KH Llapi me 202, ndërsa FHK-së si golashënues më të mirë e shpall Terziqin me 191 gola të shënuar.

KH Drita nga Gjilani menjëherë ka bërë ankesë për këtë padrejtësi dhe skandal nga krerët e FHK-së.

Ky është reagimi i plot i KH Dritës:

Hendboll Club “Drita” përmes kësaj komunikate për shtyp reagon ashpër në lidhje me zgjedhjen e “Laureatëve të Vitit 2018” nga Federata e Hendbollit e Kosovës, me ç’rast në mënyrë të padrejtë i ka mohuar epitetin e golashënuesit të vitit hendbollistit të HC “Drita”, Rinor Selmani.
Gjatë edicionit 2017/18 hendbollisti Selmani ka realizuar gjithsej 247 gola, duke qenë njëherit larg vendit të dytë dhe të tretë, të cilët çuditërisht as ata nuk e morën epitetin e golashënuesit të vitit (për këtë ofrojmë dëshmi).
Epiteti i golashënuesit më të mire i takoi Deniz Terziqit nga KH Kastrioti, i cili gjatë një edicioni realizoi 191 gola.
Duhet të potencojmë që nuk kemi asgjë kundër hendbollistit Terziqi dhe klubit të tij aktual ku ai jep kontributin e tij, por thjeshtë ngremë shqetësimin në lidhje me ndryshimin e kriteriumit për zgjedhjen e golashënuesit më të mirë, pasi një vit më herët ky epitet i takoi hendbollistit të HC “Drita” Gëzim Misini, i cili kishte realizuar 262 gola në vitin kalendarik 2016/17 (për këtë ofrojmë dëshmi).
Kërkojmë nga organet kompetente në FHK që të ndryshojnë këtë vendim dhe ti japin çmimin e merituar hendbollistit Rinor Selmani, pasi që vlera e këtij çmimi në të kundërtën do të zbehet shumë.
HC “Drita”
21 janar, 2019