Skandali i naftës, Shpend Ahmeti letër kryeprokurorit

Kryetari i komunës së Prishtinës, Shpend Ahmeti, i ka shkruar letër kryeprokurorit Sylë Hoxhës, ku nga ky ka kërkuar informata rreth skandalit të naftës në shkollat e Prishtinës, ku kompania “Hib Petrol”, i kishte shitur komunës naftë për ngrohje e ku prania e sulfurit ishte 80 herë më shumë sesa është e lejuar në vendin tonë.
Në letren që ka siguruar gazeta “Zëri” shihet se Ahmeti kërkon nga kryeprokurori informata rreth ecurisë së lëndës, ku kompania ka bëtë padi dhe ka dorëzuar kallëzim penal ndaj Kompanisë në fjalë.

Në letren që i ka dërguar Ahmeti kryeprokurorit të shtetit Sylë Hioxhës dhe Imer Bekës nga Prokuroria Themelore në Prishtinë, thuhet se tash po bëhen gjashtë muaj, që nga koha kur në Komunën e Prishtinës u zbulua skandali i naftës.

“Atë kohë pas analizave fillestare të tri shkollave, të cilat I kemi porositur ne, ka rezultuar se në rezervarët e atyre tri shkollave gjendej jo naftë, por vaj për djegie me sasi të sulfurit gati 80 herë me e lartë se niveli i lejuar me ligjet e Kosovës, por edhe me norma të bashkimit Evropian”, thuhet në letër./Zëri/