S’ka probleme për Rrahmanin, kthehet menjëherë në stërvitje

Amir Rrahmani e pësoi një lëndim në pulpë të këmbës dje dhe Napoli u frikësua se do të mbetej më gjatë pa futbollistin kosovar.

Por, lëndimi në një miqësore të zhvilluar në stërvitje nuk ishte serioz siç mendohej.

Mediumi italian “Tuttomercatoweb” raporton se përfaqësuesi kosovar e ka harruar menjëherë këtë lëndim duke ushtruar sot rregullisht me ekipin, përcjell “Gazeta Express”.

Pra, dje qendërmbrojtësi e pësoi vetëm një goditje dhe pati dhimbje të përkohshme, të cilat iu zhdukën sot.

Ai ushtroi sot me ekipin gjatë tërë kohës dhe do të jetë i gatshëm për ndeshjet që e presin Napolin në fillim të sezonit të ri.

Rrahmani është shtyllë e mbrojtjes së Napolit dhe protagonist i ekipit, me të cilin e fitoi titullin e kampionit në Itali. /Gazeta Express/