S’ka bllok opozitar

Kryeministri i Kosovës, Hashim Thaçi, mund të punojë i qetë dhe pa asnjë presion që mund t’i vijë nga partitë opozitare deri në zgjedhjet e ardhshme parlamentare. Kjo për faktin se ideja e Lëvizjes Vetëvendosje për krijimin e një blloku opozitar për ta rrezuar qeverinë e Thaçit, përfundimisht ka dështuar.

Pas aksionit të fundit të kësaj lëvizjeje kundër ratifikimit të marrëveshjes Kosovë-Serbi, dallimet brenda vetë partive opozitare kanë shkuar në ekstrem, duke bërë që përfaqësuesit e tyre të akuzohen rëndë mes vete.

Përfaqësues të Vetëvendosjes patën ndërmarrë një iniciativë për krijimin e një blloku opozitar. Lideri i tyre Albin Kurti, qe takuar me liderin e AAK-së Ramush Haradinaj dhe me liderin e partisë më të madhe në opozitë LDK-së, Isa Mustafa, por përveç një përmirësimi të lehtë e të përkohshëm të marrëdhënieve, nuk qe arritur asgjë konkrete.(Tribuna)

Shpërndaje.
© RAJONIPRESS