“Sjellja e Kurtit ndaj aleatëve mund të bëjë që Serbia të shihet partner i besueshëm”

Historiani dhe publicisti, Jusuf Buxhovi, ka thënë se sjellja e Kurtit me ShBA-në dhe aleatët evropian, në situatën gjeopolitike mund ta sjellë Kosovën në një situatë që Serbia të shihet si partnerë i besueshëm.

Ai ka thënë se veprimet aktuale me ShBA-në të krijuara nga Qeveria Kurti janë të dëmshme.

“Sjellja jo e papërgjegjshme ose jo e në përputhje me këtë zhvillim mund ta sjellë Kosovën në një situatë që Serbia mund të konsiderohet si partnerë i besueshëm në rrethanat kundër kriza Ukrainës do të amrrë një përgjigje fare do ta marrë. Mendoj se këto veprimet që i kemi sot me SHBA-të janë të dëmshme, për dy arsye”, ka thënë Buxhovi në tëvë 1.

Buxhovi ka thënë se veprimet e Qeverisë Kurti në raport me aleatët s’mund të shikohen të ndan nga e kaluara dhe qëndrimet qe ka pasur Lëvizja Vetëvendosje.

Ai ka thënë se Kurti duhet të ketë guxim të dalë me një draft për Asociacionin, por ka thënë se “topi” i është lënë kundërshtarit, sikurse qeveritë e kaluara që lanë që Vuçiq të futen në politikën e Kosovës.

“Na topin ja kemi lënë kundërshtarit, siç ja lanë qeveritë e më hershme që Vuçiqi të futet në politikën e Kosovës dhe faktikisht ta orientojë politikën e Kosovës. Qeveria Kurti tash e ka për detyrë ta krijoi draftin në bashkëpunim me aleatët të cilët kanë thënë se ajo nuk do të jetë në kundërshtim me Kushtetutën e Kosovës. Kurti duhet të marrë guximin dhe ta krijoi vetë draftit e Asociacionit”, ka thënë Buxhovi.