Sipas Vetëvendosjes rreth 750 mijë qytetarë kanë përfituar mbështetje nga Pakoja e Ringjalljes Ekonomike

Lëvizja Vetëvendosje thotë se nga Pako e Ringjalljes Ekonomike kanë përfituar deri sot 748 mijë qytetarë.

Në një postim në faqen zyrtare të VV-së në Facebook, thuhet se vetëm nga masa për mbështetje sociale deri sot kanë përfituar 476,903 qytetarë.

Në këtë postim, thuhet se poashtu janë rreth 300 mijë përfitues nga mbështetja për pensionet.

Ditëve të fundit është aktualizuar kërkesa për tërheqje të serishme të mjeteve nga Trusti. Deri tash Vetëvendosje, e cila udhëheq me Qeverinë ka dalë kundër kësaj ideje.

Postimi i plotë i VV-së:

Nga Pako e Ringjalljes Ekonomike kanë përfituar deri sot 748 mijë qytetarë.

Vetëm nga masa për mbështetje sociale deri sot kanë përfituar 476,903 qytetarë.

Afër 3 mijë qytetarë përfitues nga mbështetja pas humbjes së kryefamiljarit nga COVID-19.

Afër 300 mijë përfitues nga mbështetja për pensionet.

Mbi 25 mijë përfitues nga mbështetja për familjet me asistencë sociale.

Mbi 13 mijë përfituese nga pagesat për shtesat e lehonave.

Gati 150 mijë përfitues nga pagesat për shtesat e fëmijëve.

Afër 6 mijë përfitues nga mbështetja për likuiditetin familjar.

Shtesë kësaj, mbi 10 mijë familje me asistencë sociale që kanë përfituar kupona ushqimor.

13 organizata përfituese për mbështetjen e kuzhinave popullore.