Sindikatat i bëjnë thirrje qeverisë të hartojë Projektligjin për Paga

Bashkimi i Sindikatave të Pavarura të Kosovës (BSPK) i kanë bërë thirrje qeverisë që të hartojë sa më parë Projektligjin për Paga, “duke i përfshirë edhe kapacitetet tona profesionale”.

Në këtë mënyrë sipas tyre, hapet rrugë për pagën minimale si dhe kontratën kolektive.“E thërrasim Partnerin Tonë Social – Qeverinë që të merret më këmbëngulshëm e më profesionalisht me hartimin e Projektligjit për Paga, duke i përfshirë edhe kapacitetet tona profesionale, dhe të hapë rrugë për Pagën Minimale e edhe për Kontratën Kolektive, për këto akte të rëndësishme e tejet të nevojshme juridike të cilat po tej zvarriten”, thuhet në komunikatën për media të BSPK-së.

Njoftimi i plotë:

Thirrje Partnerit Tonë Social – Qeverisë

Komunikatë për shtyp e Bashkimit të Sindikatave të Pavarura të Kosovës28 mars 2022

Në kohën kur lufta në Ukrainë po intensifikohet, dhe e ka angazhuar vëmendjen e Fuqive të Mëdha, të SHBA-së, të NATO-s dhe të BE-së, dhe ka nxjerrë në dritë mendësinë mesjetare të fqinjit tonë i cili haptas po kërcënon lirinë dhe integritetin tonë, ne Bashkimi i Sindikatave të Pavarura të Kosovës thërrasim Partnerin Tonë Social – Qeverinë që përveç kujdesit të tejshtuar për ruajtjen e lirisë dhe të integritetit të vendit, të merret edhe me kërkesat e arsyeshme të punëtorëve dhe t’ju dalë krahë se vërtetë kanë nevojë dhe meritojnë një mirëqenie sociale ndryshe.

E thërrasim Partnerin Tonë Social – Qeverinë që të merret më këmbëngulshëm e më profesionalisht me hartimin e Projektligjit për Paga, duke i përfshirë edhe kapacitetet tona profesionale, dhe të hapë rrugë për Pagën Minimale e edhe për Kontratën Kolektive, për këto akte të rëndësishme e tejet të nevojshme juridike të cilat po tejzvarriten.Kjo tejzvarritje nuk është aspak e mirë e sidomos kur është premtuar dhe është bërë marrëveshja e është marrë zotimi, na respektoni që të mund të kemi respekt të dyanshëm.

Shpërndaje.
© RAJONIPRESS