Sinani: Vonesa e formimit të Qeverisë ka sjellur pasoja edhe për Kamenicën

Kamenicë – Kuvendi komunal i Kamenicës e mbajti seancën e rregullt, të cilën e udhëhoqi kryesuesi Bajram Dërmaku. Në ketë mbledhje morën pjesë: Kryetari i komunës Begzad Sinani, drejtorët e drejtorive komunale, përfaqësuesit e OJQ-ve nga Kamenica, anëtarët të ekipit komunal të OSBE-së, mjetet lokale të informimit.

Diskutime pati lidhur me pikën numër 6 e cila ishte e refuzuar nga KPF-ja, e njëjta ishte vu në rend dite, por pas kundërshtimeve nga disa kuvendarë kryesuesi e hodhi në votim e cila u refuzua që të jetë pikë e rendit ditës.

Kuvendi debatoi për raportin nëntëmujor të buxhetit të komunës:Janar–Shtator 2014. Për ketë pikë raportoi zyrtari kryesor financiar, Naser Hashani, vërejtje për menaxhimin financiar patën përfaqësuesit e opozitës Arsim Thaçi,Jeton Biqkaj, Besnik Rrudhani.

Kryetari Sinani në përgjigjen e tij e arsyetoi stafin e tij për punën dhe angazhimin që po e bën krahasuar me të kaluarën. Ai tha se vonesa e formimit të qeverisë ka pasur pasoja edhe për komunën tonë.

Për ulje të shpenzimeve shfrytëzim racional të mjeteve, diskutuan këshilltarët e pozitës: Satmifer Kryeziu, Isuf Beqiri, Filloreta Rexha, disa rritje të harxhimeve të karburanteve janë shkaku nga transportimi i nxënëseve udhëtarë në shumë shkolla të komunës.

Me sugjerimin e zyrës ligjore u shty për seancën tjetër propozim vendimi mbi mënyrën e kompensimit të pagesës së komisionit për kontrollimin teknik të objekteve, në mënyrë që të bëhen konsultime me kompetentët në nivel qendror.

Këshilltaret i përkrahën dy kërkesa që i ishin drejtuar për mbështetje financiare për të zhvilluar aktivitetet e tyre: Shoqata e Pedagogëve të Kulturës Fizike për organizimin e garave shkollore për vitin shkollor 2014 -2015.

Vendimi u morë që varësisht nga mundësitë financiare të komunës duke mos caktuar shumën e mjeteve. Kërkesa tjetër ishte nga shoqata “Handikos”e Kamenicës, për t’u ndihmuar në mbulimin e nevojave të mbarëvajtjes, funksionimit të kësaj zyre, si dhe e ofrimit të shërbimeve personave me aftësi të veçanta shuma e aprovuar është 11.440.00 euro. Dhe në fund u aprovua projekt rregullorja për tatimin mbi pronën e pa luajtshme për vitin 2015./rajonipress/