Sinani viziton fermerët – u premton mbështetje

Kamenicë – Begzad Sinani ka vizituar Hazir Mustafën fermer nga Rahovica për të cilin ka thënë se është stori e suksesit. Fermeri Mustafa aktualisht ka 59 krerë lopë dhe kërkesë e tij e vetme është ndihma nga Ministria e Bujqësisë dhe përmirësimi i rrugës.

Begzad Sinani nuk është ndalur as ditëve të vikendit. Ai në kuadër të një agjende të përcaktuar ka vizituar disa fermer, kryesisht stalla të lopëve dhe qumështore.

Sinani tha se këtë herë ka takuar vizituar fermën e Hazir Mustafës nga Rahovica e cila fermë edhe është storie e suksesit, të një punëtori të vyeshëm.

Sinani tha se kërkesë e këtij fermeri të vyeshëm është realizimi i kontratës me Ministrinë e Bujqësisë dhe intervenimi në përmirësimin e rrugës. “Ferma e tij aktualisht numëron 59 krerë lopë dhe ne si komunë do të bëjmë çmos që ta ndihmojmë këtë sektor të rëndësishëm për popullatën tonë” shtoj Sinani./rajonipress/