Sinani tregohet human për njeriun dhe nostalgjik për natyrën

Gjilan – Begzad Sinani derisa ka vizituar disa rrugë të rëndësishme në Hogosht e Lisockë ka takuar edhe Shaban Musliun për të cilin ka thënë se është inspirim për punë e kurajo. Nuk do të ndalem asnjëherë për të kthyer buzëqeshjen edhe atëherë kur ajo mendohet se është e humbur ka thënë Sinani.

Begzad Sinani po tregohet shumë human ndaj njerëzve dhe atyre që kanë nevojë tu shtrihet dora humane.

Rrugës Hogoshtë – Lisockë , Sinani ka takuar edhe Shaban Musliun i cilin ndodhet në karrocë invalidësh. Derisa ka bërë një foto nuk ka harruar të shkruaj:”Sot kam bërë dhe kam parë një njeri duke qeshur. Në rrugën që po ndërtohet takova zotin Shaban Musliun që iu mundësua që t`i shijoj bukuritë natyrore dhe ta përkujtojë. Kjo është foto që më inspiron, inkurajon, më mbush me energji, më bënë që mos të lodhem fare. Mesazh që të punoj e as të mos ndalem për të vetmin qëllim që të kthejmë buzëqeshje edhe atëherë kur mendohet se ajo është humbur” ka shkruar Sinani.

Sinani pastaj ka shkruar se realizimi i projektit të asfaltimit të rrugës Hogosht – Lisockë – Kufi është premtim i yni sepse me këtë realizohen këto synime: Hapë një anë të Malësisë dhe e bënë atë me infrastrukturën e nevojshme, krijon mundësinë për zhvillim të bujqësisë, blegtorisë, bletarisë dhe pemëtarisë, krijon mundësi ideale për zhvillim të turizmit rural. Pra për të gjithë ata që kanë ide dhe kapital kemi krijuar mundësi për investime” ka thënë Sinani./rajonipress/