Sinani takon qytetarët, dëgjon hallet e tyre drejtpërdrejtë

Kamenicë – Begzad Sinani të hënën ka takuar qytetarë të shumtë të Kamenicës duke dëgjuar prej tyre hallet dhe brengat që kanë. Unë do të mundohem që gjithmonë të jem i hapur dhe transparentë ndaj qytetareve dhe ata që kanë nevojë për ndihmën e institucioneve komunale do të përkrahen e ndihmohen.

Begzad Sinani të hënën ua ka kushtuar qytetarëve kamenicas duke dëgjuar prej tyre hallet e brengat që kanë .”Fillova javën me pritjen e palëve për tu njohur me kërkesat dhe problemet e qytetarëve. Kështu do të vazhdojë edhe muajve të tjerë sepse vetëm duke dëgjuar qytetarët drejtpërdrejtë ne mund të marrim informacionet e sakta për gjendjen e tyre në teren”.

Sinani tha se kë dëgjuar lloj lloj kërkese, por kryesisht dominojnë ato rreth punësimit dhe zhvillimit ekonomik. “Qytetarët më shumë interesohen se çdo të ndodhë rreth investimeve, punësimit dhe zhvillimit ekonomik. Unë me të gjitha kapacitetet që ka komuna do të mbështes ata qytetarë që janë të përkushtuar për të punuar e qëndruar në Kosovë” tha Sinani për rajonipress.

Begzad Sinani tha se ky komunikim i hapur me qytetarë dëshmon edhe për transparencën që po e zhvillon dhe avancon çdo ditë komuna e Kamenicës./rajonipress/