Sinani së bashku me drejtorët aplikojnë për legalizimin shtëpive

Kamenicë – Pas mbajtjes së mbledhjes me Këshillin e drejtorëve Begzad Sinani së bashku me drejtorët e drejtorive aplikuan për legalizimin e objekteve të tyre.

Sinani tha se ky është një proces i kërkuar nga Bashkimi Europian dhe i implementuar nga Ministria e Planifikimit Hapësinor dhe Komuna e Kamenicës ne do të fillojmë legalizimin nga Kryetari, Drejtorët, Shërbyesit civil, punëtorët e Arsimit, punëtorët shëndetësor dhe kështu të japim shembullin qytetarë dhe i ftojë qytetarët që të aplikojnë të gjithë për legalizimin të objekteve të tyre sepse me këtë e krijojmë një databazë (letërnjoftim) të vendit ku jetojmë.

Drejtori i Pronës, Gjeodezisë dhe Kadastrit Fadil Hoti theksoi se ne jemi duke e bërë punën tonë nga zyrtarët e drejtorisë, kemi pak vonesa të materialeve jo nga faji jonë, por nga Ministria përkatëse afati për legalizim është deri më 15 Shkurt 2015 falas. “Ne iu kemi drejtuar Ministrisë që të na shtyjë afatin dhe po presim përgjigje, deri tani kanë aplikuar mbi 200 qytetarë për legalizim të objekteve”.

Sinani ka mbajtur një takim me Kryetarët e Këshillave lokale me qëllim të informimit të qytetarëve për aplikim dhe është caktuar orari i vizitave nëpër lokalitete nga Drejtoria e Urbanizmit dhe Pronës, Gjeodezisë e Kadastrit./rajonipress/