Sinani përkujton 18 qershorin, ditën më të veçantë për qytetarët e Kamenicës

Kamenicë – 18 Qershori është dita më veçantë për qytetarët e Komunës së Kamenicës. 18 Qershori i vitit 1999 ishte dita kur qytetarët e Komunës sonë përfundimisht frymuan lirshëm nga dhuna dhe agresioni pushtues serb ka thënë Begzad Sinani.

Sinani ka thënë se ishte ditë kur qytetarët e komunës sonë pas përpjekjeve gati shekullore e realizuan aspiratën nacionale për Shtet të lirë e demokratik.

Të nderuar qytetar!

Shfrytëzoj rastin, t`ju ftoj, që të bëheni pjesë aktive e ndihmesës për funksionimin sa më cilësor të pushtetit komunal, duke marrë pjesë aktive në vendimmarrje, që komuna, por edhe ligji ju mundëson, duke filluar nga takimet e drejtpërdrejta që kryetari i komunës mban gjatë vitit, por edhe në takimet e drejtpërdrejta përgjatë tërë orarit të punës, që kryetari ofron, përkundër angazhimeve të shumta që kam.

Fundja, ne ju detyrohemi juve qytetarë të nderuar, ngase ne jemi për t`ju shërbyer juve. Vetëm duke synuar realizimin e këtyre qëllimeve, ne do të jemi afër konsolidimit të komunës dhe shtetit tonë .

Uroj që gjashtëmbëdhjetë vjetori i çlirimit të Komunës dhe Republikës së Kosovës të sjellë më shumë zhvillim, paqe, stabilitet ka shkruar Sinani./rajonipress/