Sinani në teren kujdeset për hapësirat gjelbëruese, rrugët lokale dhe pastrimin e deponive

Kamenicë – Begzad Sinani është treguar i kujdesshëm për të mirëmbajtur hapësirat gjelbëruese në hapësirat publike të komunës. Sinani gjithashtu ka aktivizuar tërë makinerinë për të hapur rrugët lokale për t`ua lehtësuar punën bujqve kurse po kujdeset që deponitë e egra të pastrohen.

Begzad Sinani tërë kohën po qëndron në teren dhe po kujdeset që ambienti i komunës së Kamenicës të jetë i pastër, i gjelbëruar dhe njëkohësisht rrugët lokale të jenë të mirëmbajtura.

Sinani ka inspektuar pastrimin e hapësirave gjelbëruese dhe mirëmbajtjen e tyre. “Po shikoj nga afër pastrimin e këtyre pjesëve të qytetit të cilat gjithsesi duhet të jenë të mirëmbajtura mirë dhe të pastruara. Kompania po tregohet e kujdesshme dhe unë jam i gatshëm që të përkrahi çdo iniciativë që shkon në dobi të ambientit më të pastër” tha Sinani.

Ndryshe makineria e Sinanit ka intervenuar edhe në përmirësimin e rrugëve nëpër disa lokalitete.”Sot kemi intervenuar në rregullimin e disa rrugëve me qëllim që t’iu lehtësohet qarkullimi bujqve që punojnë tokat e tyre, derisa është pastruar edhe rruga Hogosht-Poliçkë pas shembjes së dheut”.

Sinani gjithashtu është kujdesur edhe për pastrimin e deponive të egra të mbeturinave, dhe njëkohësisht u ka bërë thirrje qytetarëve që të jenë më të kujdesshëm në hedhjen e mbeturinave./rajonipress/