Sinani kërkon efikasitet dhe disiplinë në punë

Kamenicë – Sinani u ka tërhequr vërejtjen drejtorëve se asnjë zyrtar nuk mund të largohet nga vendi i punës pa u njoftuar eprori. Gjithashtu Sinani kërkoi që çdo vërejtje dhe pakënaqësi nga ana e qytetarëve ndaj mos punës së ndonjë zyrtari të merren masa përkatëse ligjore.

Në mbledhjen e Këshillit të Drejtorëve të cilën e kryesoi kryetari i komunës Begzad Sinani, janë trajtuar shumë çështje me rëndësi për funksionimin sa më të mirë të administratës komunale, si dhe realizimin e aktiviteteve të përditshme.

Sinani ka thënë se fillimi i realizimit të disa projekteve të parapara të infrastrukturës është vonuar për shkak të motit: si asfaltimi i disa rrugëve lokale në, Hodonoc, Koretin dhe në disa lokalitete tjera.

Kryetari Sinani, kërkoi nga drejtorët të angazhohen për ngritjen edhe më të madhe të cilësisë në punë, disiplinës, si edhe ardhjes me kohë në punë të zyrtarëve komunal.

Sinani u ka tërhequr vërejtjen drejtorëve se asnjë zyrtar nuk mund të largohet nga vendi i punës pa u njoftuar eprori. Gjithashtu Sinani kërkoi që çdo vërejtje dhe pakënaqësi nga ana e qytetarëve ndaj mos punës së ndonjë zyrtari të merren masa përkatëse ligjore.

Drejtorët e njoftuan kryetarin Sinani, për aktivitetet e zhvilluara, rezultatet dhe problemet me të cilat ata ballafaqohen. Po ashtu në Këshill u diskutua edhe gjendja në disa shkolla të komunës ku drejtori Agim Shkodra, njoftoi se në disa mungon furnizimi me ujë: si në Shkollat Fillore “Metush Krasniqi“ në Roganë dhe “Hasan Prishtina“ në Busavatë.

Objekti i shkollës fillore të Roganës shfrytëzohet edhe nga paralelet e ndara fizike të shkollave të mesme të Kamenicës, gjimnazit edhe shkollës teknike.

Furnizimi me ujë bëhet me anë të cisternës. Problemi i furnizimit me ujë në shkollën e Busavatës, për shumë vite nuk është zgjidhur. Sinani, kërkoi që sa ma shpejt nga Drejtoria e Arsimit të zgjidhen këto probleme dhe problemet tjera./rajonipress/