Sinani kërkon edhe më tepër kontroll rreth shpenzimeve
Kamenicë – Begzad Sinani raportoi shpenzimet për këtë periudhë dujke thënë se kemi zvogëlim të shpenzimeve në të gjitha kategoritë, kemi vendosur një disiplinë financiare sa i përket shpenzimeve, punët po kryhen mirë, mirëpo kërkoj që të kemi edhe më shumë kontroll rreth shpenzimeve.
Seancën e udhëhoqi Bajram Dërmaku, të pranishëm ishin Kryetari i Komunës Begzad Sinani, Nënkryetari Fatmir Matoshi, drejtorët e drejtorive Komunale, zyrtarë tjerë, përfaqësues të OSBE- së, mediat dhe shoqëria civile.
Rendi i propozuar i ditës u miratua nga të gjithë me një pikë të propozuar: Plani i veprimit dhe riintegrimit në nivel lokal.
Në këtë mbledhje u diskutuan këto pika të rendit të ditës: Shqyrtimi i raportit financiar Janar – Shtator 2015, shqyrtimi i kërkesës për përkrahjen për zyrën lokale të Handikos për vitin 2016, shqyrtimi i propozim –vendimit për emërimin e koordinatorit të për këshilla – lokale, raporti i Komisionit për ndarje të banesave sipas programeve të veçanta të banimit me qira, shqyrtimi i planit vjetor të auditorit të brendshëm për vitin 2016, ndërsa shqyrtimi i raporteve të Drejtorive Komunale u shtyn për seancën e radhës.
Pika e cila u debatua më së shumti ishte raporti financiar Janar – Shtator 2015, deputetët kërkuan sqarime sa i përket shpenzimeve të buxhetit.
Sinani raportoi shpenzimet për këtë periudhë dujke thënë se kemi zvogëlim të shpenzimeve në të gjitha kategoritë, kemi vendosur një disiplinë financiare sa i përket shpenzimeve, punët po kryhen mirë, mirëpo kërkoj që të kemi edhe më shumë kontroll rreth shpenzimeve./rajonipress/