Sinani: Jam krenar për punën që kam bërë

Gjilan – Begzad Sinani kryetar i Komunës së Kamenicës thotë se mandatin e tij katërvjeçar po e përfundon faqebardhë. Jam përpjekur dhe kam punuar për një jetë më të mirë të të gjithë qytetareve të Kamenicës. Krenohem për punën e mirë që e kam bërë shprehet Sinani.

Begzad Sinani është në përfundim të mandatit të tij katërvjeçar si kryetar komune. Ndihet komod dhe i relaksuar që mandatin e tij po e përfundon me shumë projekte të realizuara dhe me shumë punë të kryera e të dobishme për qytetin dhe qytetarët e Kamenicës. “Vërtet jam krenar për punën e mirë qe e kam bërë. Krenohem me tërë atë angazhim timin dhe të stafit tim që e kemi bërë për katër vite, pa u ndalur natë e ditë, vetëm që të realizojmë projekte në infrastrukturë, të realizojmë projekte në shëndetësi, në arsim, në kulturë, të realizojmë projekte në bujqësi, në zhvillim ekonomik, në sport etj” u shpreh Sinani.

Sinani thotë se është i kënaqur që për këtë periudhë ka arritur të realizojë pothuajse shumicën e projekteve të premtuara. “I kam realizuar shumicën e projekteve dhe kam punuar vazhdimisht që këto projekte të kryhen në mënyrë cilësore. Besoj që ia kemi dalën dhe u mbetet qytetarëve të Kamenicës ta vlerësojnë tërë punën tonë. Për asnjë moment nuk i kemi harruar edhe fshatrat kufitare dhe ato më të largëta” tha Sinani./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).