Sinani inspekton punimet e ujësjellësit dhe trotuarit në fshatin Hodonoc

Kamenicë – Begzad Sinani me bashkëpunëtorë të mërkurën nga afër ka inspektuar punimet në këtë lokalitet. Unë sot jam këtu që të shoh nga afër deri në cilën fazë janë kryer punimet e këtyre projekteve. Ne do të vazhdojmë me projektet tjera në asfaltimin e rrugëve lokale, ndriçimin e tërësishëm të fshatit, rregullimin e kanaleve dhe eliminimin e mbeturinave dhe projekte tjera ka shtuar Sinani.

Aziz Morina nga kompania “AREA” e ka njoftuar kryetarin për punët e kryera.”Ne jemi duke punuar sipas planit të paraparë mirëpo kemi disa pengesa, janë disa mure afër rrugës që pengojnë, derisa në projekt janë të paraparë rrënimet mirëpo në kontratë nuk parashihen kompensimet nga ana e punëkryesit dhe kemi pengesa në kryerjen e punëve” ka thënë Morina.

Kryetari Sinani nga banorët e fshatit Hodonoc ka kërkuar që të formojnë një komision dhe së bashku me kryetarin e bashkësisë lokale dhe këshillin të evidentohen pengesat dhe të gjendet një zgjidhje e pranueshme për të gjithë sepse është në të mirën e banorëve të fshatit tuaj.

Projekti i rregullimit të trotuarit është financuar nga komuna dhe pritet të përfundojë muajin e ardhshëm kurse projekti i ujësjellësit është duke shkuar mirë, derisa shtrirja e gypave është kryer në shumicën e fshatit.

Ky projekt është financuar nga CDI-Demos në bashkëpunim me komunën e Kamenicës dhe pritet të përfundojë në muajin qershor./rajonipress/