Sinani fundjavën e kalon me problemet e qytetarëve

Kamenicë – Begzad Sinani të shtunën ka vizituar banorët e lagjes “Malësia” të Koretinit e Hodonocit ku ka parë nga afër intervenimin dhe rregullimin e rrugës me zhavorr.

Begzad Sinani edhe për ditë vikendi po viziton fshatrat e Kamenicës dhe po merr pjesë në intervenimet e rrugëve të dëmtuara.

Këtë të shtunë ai ishte afër banorëve të Koretinit dhe Hodonocit.”Çdo herë me dhe në mesin e qytetarëve” kështu ka shkruar Sinani derisa ka thënë se intervenimi dhe përmirësimi i rrugëve me zhavorr në këto lagje është vetëm situatë emergjente.

“Ne kemi projekte edhe më serioze për fshatrat e mëdha të Kamenicës dhe jemi zotuar se infrastruktura do të jetë njëri nga prioritetet kryesore të kësaj qeverisje” ka thënë Sinani./rajonipress/