Sinani: Baza e vlerave të Kosovës, qëndron në gjakun e derdhur për liri

Kamenicë – Kryetari i komunës së Kamenicës, Begzad Sinani me bashkëpunëtorë ka vizituar sot familjet e dëshmorëve Ismajl Ismajli, Selver dhe Emin Kryeziu si dhe Asllan Thaçi për të përkujtuar 11 majin, Ditën e Dëshmorëve në komunën e Kamenicës

Në 16 vjetorin e rënies së Asllan Thaçit u mbajt edhe një tubim përkujtimor me ç’rast kryetari Sinani tha se baza e vlerave të Kosovës, qëndron në gjakun e derdhur për liri.
“Ky gjak përbën krenarinë tonë, sepse është themeli i Kosovës të pavarur, ai përbën njëkohësisht obligimin tonë për ndërtimin dhe forcimin e atdheut ashtu siç ëndërronin dëshmorët, ashtu siç na lanë amanetin e fundit”, tha Sinani.

“Ne mbajmë gjallë kujtimin e përjetshëm për dëshmorët ndërkaq vlerat e tyre dhe amanetin e konkretizojmë në punë”, tha ai./rajonipress/