Simonovski e Kryeziu largohen nga Drita

Gjilan – Marko Simonovski dhe Almir Kryeziu janë dy lojtarët e radhës që janë larguar nga skuadra e Dritës.

Njoftimin për largimin e dy futbollistëve e bëri klubi i Dritës në Facebook. Skuadra e Dritës i ka falënderuar lojtarët për kontributin e dhënë tek klubi “bardhekaltër”.

Simonovski ishte pjesë e Dritës prej edicionit 2021/22, ndërsa në total për ekipin gjilanas ka shënuar 32 gola dhe ka bërë 6 asistime në 32 paraqitje në të gjitha garat. Ndërsa, Kryeziu tek Drita qëndroi për dy stinore.

Kryeziu pas largimit nga Drita, ka deklaruar. “Dua ta falënderoj klubin për bashkëpunimin, trajnerin, stafin mjekësor, ekonomët dhe gjithë ata që kanë dhënë kontribut për klubin. Falënderim të veçantë për tifozët ‘Intelektualët’, të cilët i kanë qëndruar pran klubit në çdo kohë. Klubit i uroj suksese në arritjen e synimeve të veta”. Simonovski e Kryeziu iu bashkuan lojtarëve që u larguan nga Drita brenda pak ditësh pas Hamdi Namanit, Ilir Blakçorit e Ardian Limanit./rajonipress/