Siç dua vet

Poezi nga Demush Mehmeti

Të thash ikë rrugëve të tatëpjetës sate shko
Ikë kahës kahë ke ardhë
Shko në tëndën fole kukuvajke
Sysh mu hiq

Ikë qbarrësohu nga barra jote mëkat
Më lerë të qetë
Në mbretërinë e times vetmi

Le të ngopem me timen çmenduri
Dua ta vras siç dua vet !

PA PAK

Lum që të kemi ty i joni më i fuqishmi vullnet
E jona e zjarrta shpresë
Ty i joni i papërmbajturi guxim

Lum për ty dashuri dritare drite
Vulë lumturie
Send s’vleni dhe pa pak të duhurën frikë!

NUK TI DUA

Sado të më nevojitet lagështia jote jetë
Pranverë e vonuar
Mrrolat nuk ti dua se nuk dua

Mrrolat tu mi shpalosin dhimbjet
Fjetur në mua

Nuk dua zymtësin
Po erdhi dhe me motin e dëshiruar
Zymtësia pelegrin dhembjesh
E hapë të moçmen plagë në mua

Ta dua tendën rigë shiu freski zgjim
Trishtimin e thellësive të ma lajë