Si u krijuan Bankat e para në Gjilan – infrastruktura publike

Gjilan – Me rritjen e shkëmbimit tregtar dhe me zhvillimin e marrëdhënieve mallra – monetare, një vend me rëndësi nga Qeveria Osmane iu dha çështjes së themelimit të institucioneve monetare të kredisë. Në gjysmën e dytë të shekullit të XIX, në Gjilan ishte hapur filiali i banës ekonomike – bujqësore “Ziaret Bankasi”.

Kurse mes dy luftërave botërore, në Gjilan kanë punuar disa banka apo ente monetare siq janë : Banka e parë ekonomike kreditore e themeluar më 1922, e pastaj banka e dytë u hap më 1926, me emrin “Novo Bërdo”, më 1929, banka kreditore me emrin “Kosovo”, e themeluar nga Tanakso Arsiqi dhe djemtë e tij.

Kjo e fundit ishte vendosur në një objekt dykatësh skaj rrugës kryesore të qytetit në perëndim të Xhamisë së Madhe.

Këto banka, për shkak të kamatave tepër të larta gjatë huazimit, kishin shkaktuar varfërinë e popullsisë së fshatit dhe të qytetit thuhet në librin e historianit Aliriaz Selmani :”Gjilani qendër e Anamoravës nga themelimi deri në gjysmën e parë të shekullit XX”./rajonipress/