Si ta shmangni ftohjen: Gjumi dhe hudhra

Obligimet, stresi, mungesa e gjumit, brengat e mundojnë njeriun. Por, njeriu vendos që, kur sistemi imun i bie dhe ndien simptomat e para të sëmundjes, sëmundjen ta kalojë në këmbë.

Pamundësia për të munguar në punë lë edhe disa pasoja shtesë në organizëm, e nuk është i vetëdijshëm. Në fillim fillojnë me aspirinë, e mjeku ju sugjeron disa ditë pushimi në shtrat. Dihet se gjumi shëron e kështu nganjëherë sëmundja nuk e arrin organizmin.

UTHULLA HEQ TEMPERATURËN

Nëse gripi ju sulmon papritur, e temperatura ju dërgon në shtrat, ekzistojnë shumë preparate që heqin temperaturën. Por, kush dëshiron që nxehtësinë nga trupi ta largojë me ilaçe natyrale, mundet të përziej një litër ujë dhe një lugë uthull dhe me këtë kompresë ta lyejnë ballin. Duhet tëhani më shumë pemë, sidomos agrumet e pasura me vitamina C.

Konsumimi i mjaltit në mëngjes ato ditë duhet të jetë rutinë. Edhe çajrat e bimëve sikamomili dhe menta ndikojnë pozitivisht dhe në mënyrë efikase luftojnë viruset dhe bakteret. Hudhra atëherë është mysafiri i duhur në shujtat tuaja. Në pjatë duhet të gjenden ushqime shëruese, të pasura me vitamina dhe minerale. Konsumimi i ujit me akull duhet të jetë e kaluar. Kjo pasi që uji i ftohtë mund ta dëmtojë procesin e tretjes dhe të nxitë dhimbje në fyt. Edhe dalja në rrugë apo jashtë me flokun e lagur shkakton dëm.

(Kosova Sot)