Si e zhvilloi FC Drita kampionatin 2021/22 ?

Gjilan – FC Drita nga 36 paraqitje gjatë kampionatit 2021/22 ka përfunduar me 64 pikë dhjetë pikë më pak se kampioni Ballkani, dhe dy më shumë se rivali i saj SC Gjilani, që është renditur në pozitën e tretë.

FC Drita nieherit ka arritur të jetë në finale me Llapin e Podujevës për Kupën e Kosovës, ndërsa sivjet do të luaj në UEFA Conference League.

Futbollistët e FC Dritës gjatë tërë kampionatit ishin rival i denjët i Ballkanit e Gjilanit për titull të kampionit, por në 10 javët e fundit për shkak orarit e problemeve të stadiumit e lëndimeve të cilat i pati u deshtë të kënaqet me pozitën e dytë.

Futbollistët e Dritës nga 36 ndeshje të zhvilluara kanë fituar 59,26 përqind të pikëve, ndërsa sulmuesit e saj shënuan plot 66 herë në portat kundërshtare, ndërsa mbrojtja e saj ishte më e mira në Superligë duke mos lejuar që porta e portierëve Maloku e Rexhepi të mos tunden më shumë se 25 herë.

Në radhët e sulmuesve më efikasi ishte Simonovski i cili shënoi 15 gola, duke qenë golashënuesi më i mirë i skuadrës i përcjellur nga Tahiri e Namani të cilët shënuan nga 7 gola, Ajzeraj e Muja nga 4, ndërsa Kryeziu e Fazliu shënuan nga 3 gola.

Skuadra e Dritës mundet ta quan të suksesshëm këtë kampionat pas largimit të shumë futbollistve, ndërsa kryesia e Dritës më tepër ishte përqendruar në futbollist të rinjë duke ndërtuar skuadrën për kampionatin e ri. Për tu përshëndetur tek skuadra “bardhekaltër” është se gjatë 36 javëve dhe ndeshjet për Kupë të Kosovës, kryesia dhe trajneri i saj, Ardian Nuhiu i cili ju vazhdua kontrata edhe për tri vite të ardhshme, kishte qasje me gazetar e cila ishte shumë transparente, duke organizuar çdo javë.

Kjo nismë e kryesisë së Dritës të konferencave me gazetarë është e vetmja në Kosovë. FC Drita ka edhe një ndeshje jetike më Llapin në finalen e Kupës së Kosovës e cila zhvillohet në stadiumin e kryeqendrës në “Fadil Vokrri”. Se cilat do të jenë objektivat e Dritës në kampionatin e ardhshëm mbetet të shihen./rajonipress/