Shurdhani: Oferta e PDK-së më e mirë, por vullneti i degës anon kah LDK-ja

Gjilan – Kryetarja e Partisë së Drejtësisë në Gjilan Selvete Shurdhani tha për rajonipress se aktualisht kanë marrë një ofertë nga PDK-ja dhe janë në bisedime me LDK-në. Oferta e PDK-së është e mirë dhe serioze, por vullneti i degës së PD-së anon kah LDK-ja tha Shurdhani.

Partia e Drejtësisë (PD) në Gjilan ende nuk ka vendosur cilin subjekt politik do të përkrah në balotazh. Selvete Shurdhani kryetare e PD-së tha për rajonipress se janë takuar edhe me PDK edhe me LDK, por ende nuk kanë marrë ndonjë vendim konkret.

Shurdhani tha se tashmë nga PDK-ja kanë marrë ofertë për një drejtori, disa drejtor të shkollave dhe menaxher në kompanitë publike. “Realisht oferta e PDK-së pos që është e para edhe është shumë serioze dhe e mirë, por vullneti i degës së PD-së është kah LDK-ja “ tha Shurdhani.

Shurdhani tha se gjatë vikendit pritet të takohet edhe me drejtuesit e LDK-së dhe i mbetet kryesisë dhe strukturave të PD-së që të vendosin se cilin subjekt politik do ta mbështesim në balotazh.

Shurdhani ka hequr dilemat që mund të ketë ndikimi i Ferid Aganit rreth koalicionit në Gjilan. “Nuk e kemi problem aspak ndikimin e qendrës e as të Ferid Aganit. Ai është shumë demokrat dhe na është thënë se vetëm dega mund të vendos rreth koalicioneve” tha Shurdhani./rajonipress/