Shurdhani, Haxhaj e Demiraj në përkrahje të plotë për Lutën

Banorët e fshatrave, Shurdhan, Haxhaj e Demiraj, i kanë bërë pritje të jashtëzakonshme kryetarit të Gjilanit, Lutfi Haziri dhe kandidatit për Asamble nga LDK, Avdulla Demiri.

Kandidati i kësaj zone, Avdulla Demiri, tha se e kaluara dëshmon se Gryka e Karadakut gjithmonë ka pasur bujari e bukë për mikun, duke shtuar se që nga vitet 90-ta i mbështetën shpresat tek Ibrahim Rugova, ndërkaq shtoi se sot shpresa kryesore për Gjilanin është Lutfi Haziri, duke besuar se më 17 tetor gjilanasit do ta kryejnë punën me t’parën.

“Shurdhani, Haxhaj e Demiraj, më ka bërë nder gjithmonë me përkrahjen e madhe. Këtu kam shumë familje që ma kanë hapur derën, zemrën e sofrën. Politika është besim dhe këtë besim ndaj meje dhe LDK-së do ta ruaj si të shenjtë, duke u bërë më i përgjegjshëm në punë. Disa investime infrastrukturore që na kanë mbetur në këtë pjesë, do t’i realizojmë në vitin e parë të qeverisjes së ardhshme. Subvencionet në bujqësi do të vazhdojmë t’i rrisim, duke e stimuluar blegtorinë si zonë tipike. Ju faleminderit shumë. Do të mbetem gjithmonë, Luta i Juaj!”, ka thënë kryetari Haziri.

(Takimi është organizuar në formatin 50 persona në ambient te hapur, sipas rregullave kundër përhapjes së COVID-19)

Shpërndaje.
© RAJONIPRESS