Shumë oferta për Berishën

Etrit Berisha do të jetë protagonist i afatit kalimtar veror, pasi lamtumira e tij nga Lazio bëhet gjithnjë e më e sigurt. Për portierin e përfaqësueses shqiptare ka oferta të ndryshme, por më të interesuarat duken tre skuadra nga Italia, Anglia dhe Turqia. Sipas “lalaziosiamonoi.com’, Beshiktashi ka qenë ekipi i parë që ka bërë një ofertë konkrete për portierin shqiptar gjatë ditëve të fundit.

Ky klub duket në avantazh në krahasim me Galatasaray-n, edhe për faktin se është në kërkim të një portieri titullar, rol të cilin do t’ia besojë menjëherë Berishës, ndërsa Galatasaray ka mes shtyllave si alternativë të parë Fernando Muslera-n. Skuadra e dytë është Watford-i nga kampionati anglez.

Ekipi i drejtuar nga Walter Mazzarri ka si portier titullar brazilianin Heurelho Gomez, por kërkon një zëvendësues të denjë për të pasi Gomez tashmë është 35-vjeçar dhe në vitet e fundit paraqitjet e tij nuk kanë qenë aq bindëse. Klubi në fjalë është në pronësi të familjes Poco, që zotëron edhe Udinese-n, ndaj stafi drejtues i njeh mirë aftësitë e Berishës. Emri i tretë i përket klubit të Sassuolo-s në Serie A. Nëse nga kjo skuadër do të largohet Consigli, i vëzhguar nga disa klube evropiane, atëherë do të kërkohet një alternativë cilësore për portën. Berisha është një prej alternativave të mundshme që kanë vëzhguar drejtuesit e klubit i cili në këtë edicion do të marrë pjesë për herë të parë në Ligën e Evropës dhe u nevojiten lojtarë me eksperiencë ndërkombëtare.

(Kosova Sot)