Shumë incidente, arrestime e lëndime trafiku në Anamoravë
Gjilan- Java që lamë pas është shënuar me incidente e aksidente në trafik. Sipas Ismet Hashanit zëdhënës i policisë rajonale në Gjilan vetëm gjatë javës që lamë pas janë shënuar 9 aksidente trafiku.
Hashani tha se java e fundit nuk ka kaluar e qetë dhe pa incidente.
Sipas tij në regjionin e Gjilanit janë shënuar dhe evidentuar 48 incidente, 29 persona të arrestuar, janë shkaktuar 9 aksidente trafiku me lëndime, ka pasur 26 aksidente trafiku me dëme materiale por pa lëndime, dhe janë shënuar 749 Tiketa në trafik./rajonipress/