Shumë i dua

Nga Nijazi Kastrati – Poezia e së dielës për fëmijë

E dua mamin

Që më pastron

Më krehë flokët

E më ledhaton

E dua babin

Që ikë në mëngjes

Dhe në mbrëmje

Më sjell peshqesh

Edhe motrën

Shumë e dua

Një moment

Nuk rri pa mua

Ndërsa gjyshja

Me flokë të bardha

Më merr n’prehër

Më tregon përralla

Po dhe gjyshi

Në krevat

Më përqafo-thotë

O engjull pak

Shumë e dua

Mësuesen Fitore

Na mëson pastër

Të shkruajmë n’fletore

E dua shumë

Vëlla Benaminin

Që më këshillon

Si të mësoj mësimin

Shokë e shoqe

Shumë i dua

Asnjëherë

S’lozin pa mua!