Shumë afër të kompletohet ‘muri shqiptar’ i mbrojtjes te Napoli
RajoniPress
08:02, 28 Janar, 2020
Napoli pritet që shumë shpejt ta prezantojë transferimin e një tjetër mbrojtësi shqiptar.
Bëhet fjalë për futbollistin e talentuar të Hellas Veronas, Marash Kumbulla, shkruan Zëri.info.
Siç raporton gazetari i mirënjohur italian, Alfredo Pedulla, Napoli ka arritur marrëveshje me Veronan pëbr transferimin e mbrojtësit të Kombëtares së Shqipërisë.
“Napoli ka marrëveshje me Veronan për Kumbulla në vlerë 15 milionë euro, plus pesë euro bonuse. Interi është në mes”, shkruan Pedulla në ‘Twitter’.
Ndryshe, Kumbulla është i kërkuar tejmase edhe nga Interi.
Vlen të kujtojmë se Napoli prezantoi Amir Rrahmanin javën e kaluar, i cili do t’i bashkohet skuadrës së Gennaro Gattusos në verë./Zëri.info
